Inatsisiliorneq sulinermut atorfeqarnermullu tunngasoq

Paulsen|Keldsen-imit inatsisiliornerup sulinermut atorfeqarnerullu tunngasup iluani siunnersuineq immikkut piginnaanngorsarfiusimasoq ingerlanneqartarpoq. Pingaarnerusutigut suliffeqarfinnik siunnersuineq ingerlataraarput aammali pisortat, aqutsisut, atorfillit sulisullu allat sullittarpagut, ataasiakkaat atorfeqarnerminni pisinnaatitaaffiinut tunngasut suliarisarlutigit, namminersortuni kiisalu pisortat suliffeqarfiutaanni.
Inatsisilerinerup atorfeqarnermut tunngasup ilagai inatsisitigut sammisat siunnersuinerillu assigiinngitsut suliarisarpagut taamaattumillu atorfininnermi isumaqatigiissutit eqqarsaatigilluakkamik ataasiakkaanullu tulluarsakkamik isumannaarneqarnissaat qulakkiigassaasarput, soorlu immikkut piumasaqaatit oqaasertassaanut sulisoqarnermi politikkimut il.il. tungasuni, uagulli ikiorsiisarnitsinni apeqqutit suugaluartulluunniit atorfininneq sioqqullugu kingornalu pisinnaasut ilannguttarpagut kiisalu suliat soraarnermut suliffimmiillu tunuartitaanermut tunngasut qanoq ingerlanneqarnissaannut tunngasut. Siunnersuinerup saniatigut Paulsen/Keldsenimit piareersarneqarlutillu ingerlanneqarsimapput suliat atorfeqarnermut tunngasut amerlasuut eqqartuussivinni suliassiissutigineqarsimasut.
Siunnersuinerup saniatigut suliffeqarfiup neqeroorutigisarpai atorfeqartitsinermi inatsisilerinermut tunngasuni atuartitsinerit.