Suliffeqarfik

Paulsen|Keldsen tassaavoq advokatitut suliffeqarfik Kalaallit Nunaannut tunngasunik ingerlatsiviusoq, advokatimit Henrik Heyimit 1985-imi pilersinneqarsimasoq. Advokat Jens Paulsen 2005-imi suleqataalermat Advokatitut suliffeqarfiup aqqa allanngortinneqarpoq Hey|Paulseninngorluni. 2011-mi martsip aallaqqaataanit ateqalerpugut Paulsen|Keldsen.

Advokatitut suliffeqarfimmi inuttaapput advokati (A) Jens Paulsen, advokati Britta Keldsen, advokati Lise Mørup Dalsgaard, advokati Jannik Isidor, advokati Hanne Rose Andersen-Aagaard kiisalu allatsit Lena Løvstad Jensen, Andrea A. Karlsen aamma Kirsten Olsen.

Suliffeqarfik Nuummiippoq, sullitallu amerlasuut illoqarfimminngaaneersuugaluartut sullitat ilarpassui pingaaruteqarluartut suliffeqarfiit inuillu Kalaallit Nunaat tamakkerlugu najugaqartuupput. Advokatit ukiup ingerlanerani sinerissami illoqarfiit allat tikeraartarpaat taamaalillutillu Nuup avataani sullitanut attaveqarneq aallullugulu inerisartarlugu; taamaappoq aamma sullitanut nunap avataani najugaqartunut attaveqarneq. 

Suliffeqarfiup siusinnerusukkut sullitarinerusimavai suliffeqarfeeqqat inuinnaallu qujanaqaarlu taakku suli sullitanut pingaarutilinnut suli ilaammata. Suliffeqarfiulli ineriartorneranut ilaavoq selskabinik nunat tamat akornanni angerlarsimaffilinnik kiisalu pisortat aqutsisoqarfiannik sullitaqalersimaneq taamalu ineriartornermut ilaavortaaq advokatit danskit suliffeqarfiinik qanimut attaveqalersimaneri tamatumalu kingunerisaanik sulianik anginerusunik ingerlataqarsinnaanermut periarfissaqarnerulerlutik.  

Ineriartorneq sukkasuumik ingerlammat malinnaajuarnissaq pingaaruteqarpoq. Taamaattumik ilinniarneq ilinniaqqinnerlu tunngavigalugit pitsaasumik siunnersuineq ingerlapparput suliffeqarfimmilu pingaartinneqarpoq tamatuma aalluttuarnissaa.